شوخلوق با حافظ
یازديم صفالي يارا :« شالواريم اؤلدو پارا !»
دردا كه راز پنهان خواهد شد آشكارا !
گئتدين اگر بهشته،بير حوريَه ياپيشدين !
نيكي به جاي ياران؛فرصت شمار يارا !
يوخسول گدايه يازد يم:« چاتدين اگر مقامَه
روزي تفقدي كن؛درويش بينوا را»!
بير گون اگر كي اولدون سَنده رئيس ِجمهور
با دوستان مروّت؛با دشمنان مدارا
آي آج؛بيزيم غذاميز كهليك پُلو؛تويوق دور
گر تو نمي پسندي؛تغيير دِه قضا را !
«حاجي حسن» بويوردو:«بو دونيادا دول آرواد
اشهي لنا و احلي من قبله العذارا »!
چاتدي الين بوراخما؛رشوه دؤیونجا آل یِئه !
كاين كيمياي هستي؛قارون كند گدا را !
«سعديّ» بينواني؛هم «حافظي» سو ائتدي !
دلبر كه در كف او موم است سنگ خارا !
گئت وارلي نين ائويندن؛تلويزيونی اؤغورلا !
تابرتوعرضه دارد؛احوال ملك دارا !
«تاكستانا »گئديبدير؛زاهد شراب آلسين
ساقي بده بشارت؛رندان پارسا را !
اوستوميزه اوشاقلار؛جیش ائتدیلر اگر کی
اي شيخ پاكدامن؛معذور دار ما را !!
#علیرضا_رضائی
#یازدیم
#کل_اوغلان
#شوخلوق_با_حافظ
#ملمع
معنای مصراعهای فارسی:
۱- به یار باصفا نوشتم:شلوارم پاره شد
۲-اگر رفتی بهشت و به یک حوری چسبیدی
۳-به گدای بینوا نوشتم اگر به مقام رسیدی
۴-اگر روزی تو هم رئیس جمهور شدی
۵-ای آدم گرسنه غذای ما کبک پلو است
۶-حاجی حسن گفت در این دنیا زن بیوه
۷-اگر دستت رسید تا می توانی رشوه بگیر و بخور
۸-سعدی بیچاره و حافظ را آب کرد
۹-برو از خانه آدم مایه دار تلویزیون را بدزد
۱۰-زاهد رفته تاکستان تا شراب بخرد
۱۱-اگر بچه هاروی ما شاشیدند
گؤزل قيزا ائلچي گليب بير گئجه
تا كي او قيز اختيار ائتسين اَري
بيري«حسن»،مؤمن آدام،سئومه لي
چيركين ايدي،بوم بوش ايدي ال لری
ايكينجي نين آدي «علي»،چوخ گؤزل
يوخسول ايدي،كافر و دين دَن بَري !
اوچونجونون«جعفر» آدي،وارلي دي
جمالي يوخ،آللاها يوخ باوري !
قيزين آتاسي دئدي:« سن بَه يَه ن دين
هانسي ني اي بو عالمين دلبري » ؟
قيز دئدي :« آي آتا باغيشلا مني !
ايسته ييرم « حسنعلي جعفري »!
😁😁😁😁😁😁😁😁😁😁😁😁😁
ترجمه:
شبی برای دختری زیبا خواستگار آمده بود
تا اینکه آن دختر شوهر اختیار کند
یکی از خواستگاران به نام "حسن" مؤمن و دوست داشنتی امّا زشت رو و دستش خالی بود
دومین خواستگار به نام "علی" بسیار زیبا رو ولیکن تنگدست و کافر بود
سومین خواستگار به نام "جعفر" پولدار بود ولی قیافه نداشت و بی دین بود
پدر دختر به دختر گفت :"از میان این سه نفر ای دختری که دلربای عالمی هستی کدامین را پسندیدی"؟
دختر گفت:" ای پدر مرا ببخش . من "حسنعلی جعفر را دوست دارم"
#علیرضا_رضائی
#گوزل_قیز
#ائلچی
#حسنعلی_جعفر
گلیر شمرین باباسی بیر طرف دَن
حوسینین مبتلاسی بیر طرف دن
قارا کوینَک گئییب حاجی سلیمان
توکور قان- یاش آتاسی بیر طرف دَن
یاخیب ماتیک گؤتو بشکه فرشته
اولوب جیران بالاسی بیر طرف دَن
سئویر تهمینه نی الیاسین اوغلو
دئیر رستم:"قاداسی" بیر طرف دن
سکینه دایقیزی چای پایلاماغدا
باغیشلاندی خطاسی بیر طرف دن
الی اگری رئیسین باغری قان دیر
باشا گلمیر اداسی بیر طرف دن
اورکدن آغلاییر دوزگون،گول اوغلان
دَله،شهرت گداسی بیر طرف دن
یئرَه بیر عالمَه لیوان توکوبلر
باتیق شهرین فضاسی بیر طرف دن
قیز-اوغلاندا حیا یوخدور گئدیبدیر
ار-آروادین حیاسی بیر طرف دن
ائدیب غیبت پری هیئت ده مین یول
اولوب تامین غذاسی بیر طرف دن
گؤیَه قالخیب جیریق طبلین صداسی
دول آروادین دعاسی بیر طرف دن
محرّم دیر منی آغلاتدی آجلیق
حوسینین ماجراسی بیر طرف دن
#علیرضا_رضائی
#بیر_طرف_دن
مملکت ویرانه دیر،آباد اولسون یاخچی دیر
چونکی آباد اولدو لاپ آزاد اولسون یاخچی دیر
بیر کیشی مچیددَه اوستوردو،دوروب خالغا دئدی:"
آغلاماق بس دیر،اؤرَکلر شاد اولسون یاخچی دیر"
بیر اوشاغدان فایده اولماز عزیزیم سعی ائله
هر کیشی دَه اون دَنَه اولاد اولسون یاخچی دیر
قاشلاری نازک،دوداغی قیرمیزی،ساچلار اوزون
"مَش عبادین"آروادی "فرشاد"اولسون یاخچی دیر
بیر آدی باتمیش آدام شیخَه دئییردی کوچه دَه:"
منبرین اؤستؤندَه بیزدَن یاد اولسون یاخچی دیر"
ملّتی ارشاد ائدیر آمما اوزو یولدان چیخیب
وئر تذکّر شیخ اگر ارشاد اولسون یاخچی دیر
اولمالی بیر شی دئییل آمما مشاور سؤیلَه دی:"
ائودَه آرواد:لیلی اَر فرهاد اولسون یاخچی دیر"
"مَش سلیمان" بِش دَنَه آرواد آلیب آمما گئنَه
بیر گئجه گیزلین گئدیب داماد اولسون یاخچی دیر
نومره لَر عالی ولی یوخدور آداملیغدان خبر
مهد و کانون ادب بنیاد اولسون یاخچی دیر
هرکسَه هر گوشَه دَه میز و ریاست وئرسَه لَر
اوندا بیر آز عرضه،استعداد اولسون یاخچی دیر
پیس دئییل اشعاری آمما لاپ"کل اوغلان" طنز دَه
"صابر"و "مُعجز"کیمین استاد اولسون یاخچی دیر
#علیرضا_رضائی
#کل_اوغلان
#یاخچی_دیر
#تورکجه_غزل
«مش رمضان» گؤردو باهالیق اولوب
لاپ الی بوش، جیبلری هئچلن دولوب !
بؤرجلو دوشوبدو،اینگی جوت دوغوب !
سفره نی،آرواد اوشاغی،بوشلادی
بال،كره، قایماق یئماغی بوشلادی !
هئچ كیمیله ایش یوخوباشدان باشا !
گؤرممیشم بیر كسیله دیرماشا !
اَت که یِیَنمور قالیب حسرت آشا
ساغی؛سؤلو؛دال قاباغی بوشلادی !
بال؛كره؛قایماق یئماغی بوشلادی !
پیس جور آجیغلی اولوب آروادیله !
دشمن اولوبدور هر اؤرک شادیله !
چیرپیشاجاق آخیری دامادیله !
تختی؛پتونو؛اتاغی بوشلادی !
بال؛كره؛ قایماق ییماقی بوشلادی !
بیر چؤلَه چیخمیر؛گِئدَه تا بیر یانا !
بیر كره هرایلده گئدَر میدانا !
میوه آلار؛هی سایا دانا دانا !
گئت؛گلی؛قونشو،قوناغی بوشلادی
بال؛كره؛قایماق ییماقی بوشلادی !
هَم عَمی نی؛هَم دایی نی پیسله ییر
اوانلارا خاطر اؤزونو هی دؤییر !
هم یادا،هم فامیلینه پیس دییر
بالدیزینی؛باجناغی بوشلادی !
بال ؛كره ؛ قایماق ییماقی بوشلادی !
خرجی آغیردی؛بوراخیب بوسه نی
ترك اِئله دی میوه نی، سنبوسه نی !
آه ! قوجاقلیر یوخودا كوسه نی !
ایستی قوجاقی؛یاتاغی بوشلادی !
بال؛كره؛قایماق ییماغی بوشلادی !
#علیرضا_رضائی
#کل_اوغلان
#بوشلادی
غزل پست مدرن ترکی:
بال دي،شكردي پيشيگين آروادي!
آدي سحردي پيشيگين آروادي!
آدديم آتيب چيخدي حَيَطدَن داما!
اهل سفردي پيشيگين آروادي!
حافظي،سعديني گئديب حفظ
ائديب!
اهل نظردي پيشيگين آروادي!
عؤمروكئچيرديب رُژلب ياخماغا
كان هنردي پيشيگين آروادي!
گؤزديبينه قاراباديمجانلاري
ياخچي اكردي پيشيگين آروداي!
تيرياكي،بنگي،شيره ني ترك ائديب!
شيشه چَكَردي پيشيگين آروادي!
اخلاقي چوخ ياخشي ايدي سئوگیلی
آلتي نفردي پيشيگين آروادي
#علیرضا_رضائی
#کل_اوغلان
#پیشیگین_آروادی
زاهد یالان دئدی،هامی زادی اوغورلادی !
آللاهی،اعتقادی،معادی اوغورلادی !
گئتدیم دونن دواخانایا،گلد ی بیر نفر
شربت،سرنگی،قرصی،پمادی اوغورلادی !
اولدو رئیس شهریمیزین بی سوادی تا
مدرك دوزلتدی؛علم و سوادی اوغورلادی !
تا كی اونون حكومتی چوخ پایدار اولا
شمری؛یزیدی؛ابن زیادی اوغورلادی !
یوخسول بالاسی مدرسه دَه همّت اِیلَدی
دفتر؛كتابی؛پولو؛مدادی اوغورلادی !
ویردی ستاد شهریمیزین اوغروسی اگر
اوغری رقیبی گلدی ستادی اوغورلادی !!
یؤل تاپدی تا خزانه یه «حاجی مراد یمیز»
ائتدی اشاره پوللاری«هادی»اوغورلادی !!
مامورآد یلا« رمضان»؛چیخدی داملارا
دیشی؛«ال.ام.بی.»نی؛هامی زادی اوغورلادی!!
#علیرضا_رضائی
#کل_اوغلان
#اوغورلادی
رقیب زشت ایلن هم صحبت اولما
اونون ویرانه سینده رؤیت اولما
یاشیم هرچند آتمیش بش اولوبدور
سنی من ایستیرم،ناراحت اولما !
#علیرضا_رضائی
#کل_اوغلان
#ناراحت_اولما
نقيضه اي بر حيدرباباي استاد شهريار :
حيدربابا تغيير ائديب زامانا !
بیتلر گليب گيريب بيزيم تومانا !!
حيدربابا قيز اوغلاندان اوتانمير !
فلك بيزيم آرزيميزا دولانمير !
بوش ال لَری،بيكارديلار كيشي لر !
قیناییرلار اِرکک لَری ديشي لر !
مؤمن لر كي دايم ال-يوز يوئورلار!
بازارلاردا يامان دري سويورلار !
حيدربابا قول قيچيميز قيريلدي !
چوخ باغيشلا هر زاديميز جيريلدي !
گول،چيچكي بوستانلاردا ازيرلر
قيزيل ایلان چاتلاقلاري بزيرلر !
حيدربابا تويوق ييماق چَتين دير
يومورتانين شانه سي اللی مين دير !
بنزين باها اولوب گؤر بو مسلگي
«مشدي حسن» گازي ائديب ائششگي !
رستم بو دونيايا بير يول آچوبدور
قيمت لري گؤرجَک،قؤيوب قاچوبدور !
ائو قيميتين قولاغينا دئييب لَر !
چؤخ «بيژن»لَر قويودا گيزله نيب لَر !
حيدربابا گل ائشيت ايندي بونو :
عمل ائديب"كلثوم ننه"بورنونو !
«خجّه سلطان» گؤزل ائديب صاندیقي !
يوغون گؤتون گئديب ائديب فیندیقي !!
آينا قاباقيندا دوروب قیر وئرير !!
هي اؤزونه آفرين،احسن دئيير !!
او اؤغلان كي یئیه ردی سود «قايماغي»!
باشارمادي كـَـت ده داوار يايماغي،
گئديب «بانك رئيسي» اولوب، قولاق آس
اون آلتي ميلياردی ائديب اختلاس !!
حيدربابا بوردا اولوب دين، تومن !
يوز مين تومن اولوبدور تَک مين تومن !!
او انسان كي اؤلوب قالین دريسي !
دونیادا وار پريله بربريسي !!
سينیر باشي،قابيرقاسي قيچ قولو
بو دونيادا هركس گئدیر دؤز يولو !
ايسته ييرم قاچام گئدم ماغارا !
تك قالميشام اؤزوم قاليب دووارا !!
حيدربابا توكندي ماجرا ميز
ايستي سودان چيخانمادي باباميز !!
«حيدربابا» تاخما ديشين تاخاندا !
دامدان گؤزل قونشوموزا باخاندا !
مامورلرين كتك لرين سال يادا !
گؤزلرين تيك ،باخما گؤزل آروادا !
«حيدربابا » آلزايمر توتموشام من !
گؤزل تاريخيمي اونوتموشام من !
«حيدربابا » بئكار گزير اوغلوموز !
بوغون قيرخيب،قاش آلدیریر اوغلوموز !
نازيله يول گئدير،اولوب ماماني !
خياباندا گؤز چيخاردير توماني !
«حيدربابا»"بابا ايمان"جان وئرير !
ائششك هورور،چوخ هاردیر ايت آنقيرير !
"حيدربابا"اخلاقيميز پوزولدو !
غيرت اؤلدو،ياخشي يامان توز اولدو !
«حيدربابا» باشيميزي قاتيبلار !
يول كسن لر ذيروه لره چاتيبلار !
حيدربابا كيشي،قديم كيشي لر !
قورخاردي اونلاردان بوتون ديشي لر !
بيزده كيشيليكدن بير آد قاليبدير !
آرواديميز جانيميزي آليبدير !
بير كيشي سؤيله دي منه: آرواديم
پيققيلدايير تئز ایسلانیر هر زاديم !
باشيما آرواديم چالير وَردَنـَـه !
آغلاييرام هي دئييرم: آي نَـنـَه !!
« حيدربابا » تويوغلارا چاتاندا !
كورچ تويوقی دوتوب ياواش ساتاندا،
دعا ائله منيم ايچين دوغروسو
منده اولوم کورچ تويوغلار اوغروسو !
«حيدربابا »خلقَه مني چوغورلور
يومورتا اوغروسو،دَوَه اوغورلور !
"حيدربابا"قونشوموز اولدو دارا !
يوز ايلليك بوش جيبينه دولدو پارا !
زَمی یئرین ساتيب آليب « زانتيا »
قودوق مينَن پينتي مينير "ماكسيما" !
مينديريبدور اوغلو؛ بير اؤزلو قيزي
ويراژ وئرير ذرّه جه سايمير بيزي ! !
#علیرضا_رضائی
#کل_اوغلان
#نقیضه
#حیدر_بابا
#قودوقنامه
می روم ازخانه بیرون،هست بیردریاقودوق!
چون به صحرامی روم،هرجانب صحراقودوق!
تاهوای کندیمیز آلوده هرگز اولماسا
من ایش اوسته می روم هرصبح وآخشام باقودوق!
چون قودوق چاتدی مقاما گول آپاردیم یانینا
سؤیله دیم تبریکلر باخنده بر آقا قودوق!
چونکی پالانی قیزیلدان اولدوجفتکلر آتیب!
می فروشد فخرها هی بیزلره هرجا قودوق!
گئتدی مین یول مکه یَه پیس ایشلری ترک ائتمه دی
مکه دَن برگشت و انسان اولمادی آمماقودوق!
ازقودوق عمری بگویم قابل توصیف نیست
عومروموز فانی دیر و بو دونیادا پایا قودوق!
مبلغی آزدیر ولی هرگون گئدیر وام آلماغا
ترک ائدر ائولنمگی یا می شود بابا قودوق؟!
مست اولاردی هم سوسیس دن هم قارا نوشابه دن
چون یئدی کالباس اولدو ناخوش و نازا قودوق!
هم سمند و هم پرایدو،هم پژو هم زانتیا
هست اینجا کیفیت سیز مثل آن مزدا قودوق!
#علیرضا_رضائی
#کل_اوغلان
#قودوق
#قودوقنامه
#غزل_ترکی_فارسی
حاجی رجب از جمله ی دزدان وطن دیر!
بیرگون قاچاجاق خارجه مهمان وطن دیر!
چوخ کوهنه وچوخ ییرتیق و بسیار جیریلمیش!
دقّت ائله سَن خشتک تنبان وطن دیر!
قورخما یازیلار آدینی اونون دفترَه خائن!
با اینکه فلان شخص به قربان وطن دیر!
ائششک آدامی سایما کی قانمازلاری سئومَم
چون ائششک آدام مایه ی خسران وطن دیر!
بومملکته موز کیمی وارد ائله انسان
چون بئینی بوش و یول کسن انسان وطن دیر!
شادان دی وچوخ خوشلوغا باتمیش خبرسیز
فهمیده آدام زاروپریشان وطن دیر!
وجدان سیز آدام،رشوه آلان، اگری،یالانچی!
اود تک گویَه ریب،سبز به هریان وطن دیر!
باخ گور قاریشیب هر زادیمیز بیربیره قارداش
قیزلارکیشی تک،قیزکیمی اوغلان وطن دیر!
هئچ پوخ یئیه بیلمز کوپک آمریکا اگرچه
تحریم لری موجب بحران وطن دیر!
#علیرضا_رضائی
#کل_اوغلان
#غزل_ترکی_فارسی
#شوخلوق_با_حافظ
قیش یاغماسا قارخوش نباشد
گل بی رخ یار خوش نباشد !
گئت گؤللر ایچینده ایچ ودکا
بی باده بهار خوش نباشد !
آنغیرماغا باشلا،یاز فصلی
بی صوت حمار خوش نباشد !
پیکانین ایچینده شیللاق آتماق
بی بوس و کنار خوش نباشد !
جام اؤستؤنه یادگار چَکمک
جز نقش نگار خوش نباشد
قابل یوخو رشوه حافظ آمما
از بهر نثار خوش نباشد !
#علیرضا_رضائی
#کل_اوغلان
#شوخلوق_با_حافظ
قار یاغماسا قیش خوش نباشد
گاو اولماسا خیش خوش نباشد
در زیر پتو،کنار بچِّه
با مادرش ایش خوش نباشد
بیر یئرده اگر رئیس اولدون
هی ایشلره جیش خوش نباشد
با داف خودت فرانسایا گئت
گئتمه کیشه،کیش خوش نباشد
چیرپیشماق و سؤیمَک و ساواشماق
با ائششک و میش خوش نباشد
یول کسمَک و اختلاس کردن
در پوشش ریش خوش نباشد
آینده نی،کئچمیشی بوراخ،چون
فکر پس و پیش خوش نباشد
#علیرضا_رضائی
#کل_اوغلان
#غزل_ترکی_فارسی
يوخسول اینسان بازارچادا
میوه لَرَه باخدی گئتدی !
میوَه قیمتی اؤد كیمین !
اؤره گینی یاخدی گئتدی !
ایلدیریم تَك غملَر گَلدی
وار؛یؤخونا شاخدی گئتدی
غصّه بوكولمیش بئلینه
قیلینجینی تاخدی گئتدی
باهالیغدان قان آغلادی
گؤز یاشلاری آخدی گئتدی
#علیرضا_رضائی
#کل_اوغلان
سون باهار دیر توکولور یارپاغلار
اولدو کؤینک سیز آغاجلار،باغلار
بیر سویوق یئل اسَه جاق،لاپ اوشویَه ر
قارغالار،کورپو،بولاغلار،داغلار
گئنه دام-داش آغاریب،قار یاغاجاق
گئنه بوز باغلایاجاق اوتلاغلار
قیش گلیب جاجیمی نی تئز آچاجاق
گئنه یوللاری کؤلَک،قار باغلار
سئوگیلیم یادا سالیب گؤزلرینی
عاشقین قاردا اؤرَکدَن آغلار
هانی او ایستی قوجاق،دار کوچه لر؟
هانی او ایستی دوداغلار،چاغلار؟
قار ایچیندَه بیر اؤرَک رسم ائله ییب
سنین آدین یازاجاق بارماغلار
#علیرضا_رضائی
#کل_اوغلان
ياتميشام آمما اويانا بيلميرَم
دؤزيولو،دؤز رسمي قانا بيلميرَم
ائيله ميشَم يوزميليار اختلاس
آخ! نَه دَن دير اوتانا بيلميرَم ؟
دوشدو دولو باشيما هي پول ياغير
بير چالادا دالدالانا بيلميرَم !
قوزاميشام سئل گئتيرَن پوللاري
آمبارين آلتيندا سانا بيلميرَم !
عقد ائديرم قاری،دول آروادلاري
قيزلارين عشقيندَه يانا بيلميرَم !
من گئديرَم «روسيه» دَه كئف چَکَه م
يوخسول آدام گلدي جانا؟بيلميرَم
ايستَه ييرم «رُم»،«كانادا»يا گئديم
پيس دي بو كشور دايانا بيلميرَم
مملكتين يوللاري لاپ اگري دي
داغلاري داغ دي دولانا بيلميرَم
ايشلري ناقص دي،يالان سؤزلري
دؤندو بو ميللت يالانا؟بيلميرَم !
خوف لو دو،سون سوزدو قارانليقللاری
پارلار ايشيق ؟ آي جالانا؟بيلميرَم !
قحبه فلك قدريميزي بيلمَه دي
ائششگي ساتدي پالانا؟بيلميرَم !
#علیرضا_رضائی
#کل_اوغلان
#اوشاق_ادبیاتی
بیر گون اوخولدَه
پاپاقی ایتدی
"حسن"آغلادی
گؤز یاشی بیتدی
دئدی:پاپاقیم
گؤزَل پاپاق ایدی
بیلمه دیم قورد آپاردی
یا ایت اونو یئدی
آتام اؤلدوره جاق
آنلاسا منی
بیر سؤز دئیه بیلمَه م
دانلاسا منی
آغلایا آغلایا
ائوَه ساری گئتدی
هی گلدی آشاغی
هی یوخاری گئتدی
آتاسی گؤردو
"حسن" پوزغون دور
گیجَه لیر مدام
سانکی وورغون دور
دئدی: نه اولوب
آی اوغلوم سَنه
گیزلتمَه دردین
گل سؤیله منَه
"حسن"آغلادی
دئدی:جان،دایاغیم
بو گؤن اوخولدَه
ایتیب پاپاغیم
آتاسی گولدو
دئدی:آغلاما
دونیا مالینا
هئچ بئل باغلاما
هاوا توتولسون
گئنه آچیلار
باشین ساِغ اولسون
پاپاق تاپیلار
#علیرضا_رضائی
#کل_اوغلان
#اوشاق_ادبیاتی
@turkcetanzler
قهر ائديب پير و جوانا اهرين زلزله سي
عالمي گئتدي فغانا اهرين زلزله سي
"ورزقان" شهرينی ييخدي؛هريسی ائتدي وئران
يئنه قاتدي قاني قانا اهرين زلزله سي
اولدوروب كؤرپَه ني،آغ ساققالی؛آغ بیرچگی دَه
باخمادی خانَه؛چوبانا اهرين زلزله سي
توكدو يارپاق كيمي اينسانلاري ظولمیله يئره
اوخشادی باد خزانا اهرين زلزله سي
مردمين كونلونو يانديردي؛یامان ائتدي كباب
اود ويران واختداتيكانا اهرين زلزله سي
تازه دامادیله،تازه گليني اؤلدوردو
قوجاني سالدي زیانا اهرين زلزله سي
باخمادي فقره،اوروج آغزا،ساري رخساره
شب قدره،رمضانا،اهرين زلزله سي
كيمسه سيز خلقین ائوين ييخدی؛داغیتدی كؤكدَن
ویردی اود خورد و کلانا اهرين زلزله سي
پايه سيز ائولري ديوانه فلك ويردي يئره
گوجونو قويدو كمانا اهرين زلزله سي
قيزلارين ياخشي تخيّوللاري،رؤيالاريني
دؤندریب گؤرنه يامانا اهرين زلزله سي !!
من كي تصوير ائده بيلمم بو يامان فاجعه ني
وصفی گلمز که بيانا اهرين زلزله سي
اردبيل شهريني؛گيلاني تكان وئردي تمام
گلدي قزوين؛همدانا اهرين زلزله سي
يئنه بو زلزله بش گؤنده چيخار يادلاردان
کئشکه مسئوللار اويانا....اهرين زلزله سي !!!!!!
#علیرضا_رضائی
#کل_اوغلان
#اهرین_زلزله_سی
#شوخلوق_با_حافظ
دئدی حاجی رمضان: قیز دئییلم،آروادم!
فاش می گویم و از گفته ی خود دلشادم!
ایندی یَه اولمامیشام پول و مقاما بنده !
بنده ی عشقم و از هر دو جهان آزادم !
بیلمیرم سیز مَنه ای جاهل آداملار بویورون
که در این دامگه حادثه چون افتادم !
عاشق اولدوم حسنین آروادینا آمما آدی
به هوای سر کوی تو برفت ازیادم !
دونیایا گلمزدیم لاپ باشیما بورک قویدو!
آدم آورد در این دیرخراب آبادم !
اوره گیم ایسته هرکیمسه یَه پیس سوز دئییرم
چه کنم حرف دگر یاد نداد استادم !
الی اگری،کؤپک اوغلو،ایکی اؤزلو،گؤتو بوش!
یارب از مادر گیتی به چه طالع زادم ؟!
تا کی گئتدیم مشه عباس گیله ائلچی لیگه
هر دم آیدغمی از نوبه مبارکبادم !!
اؤزؤمو هی دؤیؤرم،هم اؤزؤموهی سؤیؤرم
که چرا دل به جگر گوشه ی مردم دادم !
آغلاما حافظ و بیر کاسا شراب ایچ،آدام اؤل!
ورنه این سیل دمادم ببرد بنیادم !
#علیرضا_رضائی
#کل_اوغلان
#شوخلوق_با_حافظ
#حاجی_حسن_روحانی جنابلارینا خطاب:
یاندیرای«حاجی حسن» درد،اختلاسی ریشه دن
یانماسا چوخ گؤزله« قانون اساسی»ریشه دن
وئرمَه سَن بیر آن آمان بو مملکت ده«بید» لره
داش اوره گ اول،سال آیاغ آلتیندا«ساسی»ریشه دن
قوی بیرآز راحت دولانسین آی کیشی ارکک – دیشی
سالما آمما کؤینگی،شورتو،لباسی ریشه دن
گر یئرينده من اولام خوار ائیله رم یالتاقلاری
بمبیلان محوائیله رم تئز التماسی ریشه دن
گؤزله سو قطع اولماسین ساحیلده،یانقین دریادا
یانماسین بیر دفعه «غسل ارتماسی»ریشه دن
بو اِئوه اوغرو گلیب،دوت بوغ،بو تولکو اوغرونو
چون آپاردی خالچانی،یاسدیق،پلاسی ریشه دن
#علیرضا_رضائی
#کل_اوغلان
